Android Phone Ki IMEI Number Change Kaise Kare

Android Phone Ki IMEI Number Change Kaise Kare

IMEI number kaise change kare ? Hey friends main fir se ek new post ke sath wapas aaya hu aaj main aapko iss tutorial mein bataunga ki aap apne android phone ki imei number kaise change kar sakte ho taki koi third party app aapke phone ke information na pata kar sake. Agar aapko doubt hai ki koi android app aapke phone ke information chura sakta hai toh yeh ek tarah se aapki identity safe rakhega aur koi bhi app aapke phone ke original imei nahi pata kar payega, hai na intresting ? So dosto chaliye jante hai imei number kaise change kare

imei number kaise change

IMEI ka fullform international mobile equipment identity hota hai yeh ek tarah se humare mobile ka unique number hota hai jo GSM, WCDMA aur iDen mobile phone ko identify karta hai. IMEI number humare phone ko sirf identity karne ka kaam karta hai. Aap apne phone ki imei number *#06# dial karke check kar sakte ho. Bahut se apps bhi humare phone ko identify karne ke liye humara imei number store kar lete hai agar aap apne phone ki imei change kar lete ho toh woh app aapke phone ko identify nahi kar payega aur uske liye aap new user ban jaoge. IMEI number kaise change kare yeh janane se pehle kuch jaruri baatein jaan lete hai

Kya Jaruri Hai:

1) Aapka android phone rooted hona chahiye agar rooted nahi hai toh aap yeh post padhe

2) Xposed Installer puri tarah se install hona chahiye

3) Aapke mobile phone mein imei changer app install hona chahiye iski link aapko aage isi post mein mil jayegi

4) Working Mind 😀 I hope you have

Kya Yeh Illegal Hai:

Yes, yeh completely illegal hai aap android ka koi sa bhi id change nahi kar sakte lekin main jo aapko trick bataunga usse bas aapke phone ke original imei hide ho jayenge aur koi sa bhi third party app aapke original imei nahi pata kar payega lekin network provider chahe toh aapke phone ka original imei pata laga sakte hai isliye developer ke hisab se yeh method illegal nahi hai

Agar aap iss trick ka use kisi ko bhi harm yaa cheat karne ke liye istemal karte ho toh yeh illegal hai

Xposed Installer Setup Kare:

Jitne bhi android ids masking apps hai woh xda-developers dwara banaye gaye hai aur inhe chalane ke liye aapke mobile mein xposed installer puri tarah se install hona chahiye, So chalo friends jante hai xposed installer kaise setup kare

1) Sabse pehle aapko apne phone mein xposed installer download karna hai iski link neeche di gayi hai

Download Now

2) Ab isey apne phone mein install kare

3) Ab isey open kare aur framework option mein jaye waha par aapko Install/Update ka option dikhai dega uspe click karke aapko root permission allow karna hoga uske baad ek aur permission manga jayega reboot karne ke liye so usey ok karde

imei number change

4) Ab Aapka mobile ab automatically reboot ho jayega

5) Yeh method lollipop aur marshmallow version mein work nahi karega inn versions ke liye dusra method hota hai jise aap google par search karke seekh sakte ho

Aapne ab puri tarah se xposed installer apne mobile mein set up kar liya hai ab aap apne phone ki imei easily change kar sakte ho so chaliye jante hai kaise

Android Phone Ki IMEI Number Change Kaise Kare:

1) Sabse pehle aapko apne phone mein imei changer application apne phone mein install karna hai. Aaj hum isi application ki madad se imei number change karna sikhenge

Download Now

2) Xposed Installer open kare aur modules option mein jaye waha par aapko imei hanger app dikhai dega uspe click karke usey enable karde jaisa ki maine neeche screenshot mein dikha rakha hai

imei number change

3) Apne phone ko reboot kare. Bahut se phone mein reboot ke option ki jagah restart ka option hota hai so aap kisi bhi option ko choose kar sakte ho baat same hai

4) IMEI Changer app ko open kare aur New IMEI No. option mein koi sa bhi 15 digit ka imei set karke apply karde

imei number change

5) Aapne jo imei number apply kiya hai woh ab aapke phone mein activate ho gaya hai usey aap *#06# dial karke check kar sakte ho

6) Apna original imei wapas lane ke liye xposed installer app mein imei changer ko disable kare aur apna phone wapas reboot kare isse aapka orginal imei number wapas set ho jayega

Final Words:

So friends mujhe ummeed hai aapko yeh tutorial jarur pasand aaya hoga aur aapko jyada pareshani na ho isliye maine sabhi steps ko screenshot ki madad se acche se samjhaya hai main ummeed karta hu aapko imei number kaise change kare pata chal gaya hoga. Iss post ko follow karke aap apne android phone ki imei number change kar sakte ho. Maine apni puri koshish ki taki aapko humara post pasand aaye agar aapko humara yeh post pasand aaya ho toh please isey share jarur kare