Intelligent Kaise Bane: Intelligent Banane Ke Tips

6

Intelligent kaise bane ? Kya aap apna intelligence badhana chahte hai ? So yeh post aapke liye hi hai iss post mein hum janenge ki intelligent kaise bane. Intelligent hona apne aap mein badi baat hai aur aajkal ke time mein toh mere hisab se sabhi ko intelligent hona chahiye. aisa kaha jata hai ki intelligence god gifted hota hai lekin hum chahe toh apne intelligence ko badha sakte hai. So friends iss post mein hum kuch aise tarike janenge jiski madad se hum apni intelligence badha sakte hai. Agar aap intelligent banana chahte hai toh yeh post jarur padhe aur humare tips jarur follow kare toh chaliye jante hai intelligent kaise bane

intelligent kaise bane

Dosto bahut se log sochte hai ki unke friend ko bhagwan ne jyada dimag diya hai isi wajah se woh humse jyada hoshiyaar hai lekin yeh koi baat nahi hui kyuki aisa woh log sochte hai jo khudme kami dekhne ke badle bhagwan ko dosh dete hai. Bhagwan ne sabhi ko ek jaisa dimag diya hai lekin bahut se log apne bad lifestyle ke wajah se apne sochne samjhne ki shakti kho dete hai agar aap ek accha lifestyle survive karte ho toh dimag ke sath aapki sehat bhi bilkul fit rahegi. Hum apne daily life mein jo bhi karte hai woh humara lifestly hota hai kuch log good lifestlyle follow karte hai aur kuch log bad lifestyle yahi wajah hai ki aapka dost aapse jyada hoshiyaar hai. So friends iss post mein aaj hum kuch badhiya lifestlye ke bare mein janenge jinhe follow karne par humari sochne samajhne matlab  intelligence badhegi

Intelligent Kaise Bane:

1) Deep Breath: Agar aap daily 10-15 minute gehri saans lete ho toh yeh bahut achhi baat hai. Gehri saans lene se aapke andar ki bechini door hogi, blood aur oxigen ka flow aapke body mein badhega, intelligence badhegi aur bhi iske bahut se fayde hai. Aap isey daily kare toh yeh bahut acchi baat hai nahi toh kuch khaas kaam karne se pehle kar sakte ho  jisme mind ka use jyada ho

2) Laughing: Hum bachpan se sunte aaye hai ki khul ke hasna har bimari ka upchar hai aur yeh baat bilkul sahi hai. Aapko shayad yeh baat pata na ho ki hasne se humare andar ki thakan door hoti hai aur humare brain ke bahut se parts bhi active ho jate hai jinse humein chijo ko yaad rakhne mein madad milti hai. Aap khudko hasane ke liye koi joke padh sakte ho, comedy shows dekh sakte ho, funny videos dekh sakte ho aur bhi bahut se tarike hai khudko khus rakhne ke

3) Sleep Better: Hum sabhi ko pata hai ki har activity karne ke liye humein apne brain ki response ki jarurt padti hai. Hum pure din kuch na kuch karte hi rehte hai aur humara brain pure din humare activity ko pura karne mein madad karta hai isliye humein at least 8-9 hours jarur sona chahiye jisse ki humare brain ko thoda rest mile aur woh agle din bhi thik se kaam kare. Agar aap apni neend puri nahi karte ho toh aapko kisi kaam mein mann nahi lagega andar se lazy feel karoge, chijo ko jaldi bhul jaoge, sar dard ki samasya utpan hogi aur bhi bahut se nuksan aapke body ko pahuch sakta hai

4) Meditation: Agar aap mann ko saant aur dimag ko relax karna chahte ho toh meditation se badhiya kuch nahi hai. Meditation karne ke liye aap koi bhi khali aur saant jagah chune jaha par aap apne mann pe focus kar sake. Daily at least 15 minutes meditation jarur kare. Meditation karne se aapki intelligence badhegi aur mann saant hoga aur aap ghussa bhi kam karoge

5) Water: Kya aapko pata hai humara brain lagbhag 79% water se bana hai isliye jaruri hai ki aap daily at least 2 liter water jarur piye yeh aapke mind ke liye helpful hoga. Agar aap kisi long journey par ja rahe ho toh apne sath water bottle jarur rakhe taki pani ki kami aapko mahsoos na ho. Garmi ke dino mein bhi humein apne body ko hydrated rakhna chahiye taki body mein pani ki kami na ho isse humara dimag healthy rehta hai

6) Play Mind Games: Dimag ki exercise karne ka yeh bahut accha tarika hai ki jab bhi aapko khali time mile mind games jarur khele. Mind games ka matlab woh game hota hai jisme physical work se jyada mental work ki jarurat padti ho jaise ki chess, puzzle, calculation etc. Mind games mein actually aapko apne dimag ka istemaal jyada karna padta hai jiske wajah se aapke dimag ki acchi exercise ho jati hai aur aapki intelligence badhti hai. Main aapko suggest karunga ki daily at least ek baar mind game jarur khele

7) Think Like Mature: Sabhi ke andar mature thinking hoti hai lekin koi usey use nahi karta. Mature thinking se mera matlab hai kaam ki baat karne wala person. Bahut se log maturity se nahi sochte aur apni life mein mistakes karte rehte hai yaad rahe aapko logo ke beech tabhi pehchan milegi jab aap mature tarike se sochoge. Jab aap maturity se sochte ho tab dusre log bhi aapse apne problem discuss karte hai kyuki unhe aisa lagta ki aap hi unki problem ka solution bata sakte ho. Agar aap intelligent banana chahte hai toh sabse pehle mature thinking rakhe

8) Read Books: Aap sabhi ko pata hoga books humari life mein kitna importance rakhta hai. Aisa bhi bola jata hai ki humara sabse accha dost books hi hote hai kyuki woh bina kisi swarth ke humein knowledge dete hai. Jab aap books padhna start karte ho tab aapki knowledge badhti hai jis wajah se aapki intelligence bhi badhti hai. Jab bhi aapko free time mile books jarur padhe

Final Words:

So friends dekha aapne agar hum apna daily lifestyle accha kare toh humari intelligence automatically acchi ho jati hai. Main aapko ek baat kehna chahunga ki T.V. advertisement product par kabhi dhyan na de woh aapko bolenge ki 1 week mein aap intelligent ban jaoge aur aapka dimag superfast ho jayega lekin aisa kuch nahi hota agar aisi koi medicine hoti toh aaj har ghar mein einstein aur newton jaise scientist paida hote. Humein bas acche lifestyle ko follow karna hai aur kuch nahi. Agar aapko humare iss post se help mili ho toh please isey share jarur kare