Mobile Phone Ki Location Kaise Pata Kare

5

Mobile phone ki location kaise pata kare ? Dosto kya aapka phone chori ho gaya hai aur ab aap apna phone wapas chahte hai toh kya kare ? Aaj hum iss post mein bahut jaruri jankari hasil karne karne wale hai jo aapke jarur kaam aayegi. Main aapko apne pichle post mein bata chuka hu ki mobile phone chori hone se kaise bachaye agar aapne yeh post nahi padha toh abhi padhe taki phir kabhi aapka phone chori na ho. Agar aapka phone chori ho gaya hai toh humare iss post ko follow kare isse aapko apne phone ki location pata chal jayegi aur aap usey aasani se trace kar sakte ho toh chaliye jante hai mobile phone ki location kaise pata kare.

mobile phone ki location kaise pata kare

Dosto agar aapka phone chori ho gaya hai toh jyadatar chances hote hai ki koi aapke phone ka galat istemal kar sakta hai isliye main aap sabhi ko sabse pehle yahi recommend karunga ki apna mobile number abhi band karwaye baki ka kaam hum aage janenge ki aage kya karna hai. Agar aapko nahi pata ki mobile number kaise band kare toh yeh post padhe iss post ke andar maine bata rakha hai ki sim band kaise kare aur bhi bahut tarah ki jankari aapko iss post ke andar mil jayegi.

Chalo ab maan lete hai ki aapne apna sim block karwa diya toh kya isse aap puri tarah safe hai ? Nahi bilkul nahi kyuki abhi bhi aapke personal photos, videos, files aur documents uss phone mein mojood hai toh ab usey kaise delete kare ? Don’t worry mere dost iss post mein aapko woh sabhi jankari mil jayegi jiski aapko talaash hai.

Ab chaliye yeh maan lete hai ki aapne humara post follow karke apna sim bhi block karwa diya aur apne phone se sabhi personal data bhi delete kar diye toh kya isse aapko khushi milegi ? Mujhe nahi lagta kyuki jabtak aapko apna phone nahi mil jata tab tak aapko khushi kaise hogi, Dont’t worry mere dost iss problem ka solution bhi mere paas hai aaj main iss post mein aapko yeh bhi bataunga ki phone chori ya khone ke baad uss phone ka location kaise pata kare.

Hai na maje ki baat ki aapko ek hi post ke andar itni jankari mil jayegi ki aapke liye apne phone ka pata lagana itna aasan ho jayega. Mere kuch dost abhi apne dimag mein yeh soch rahe honge ki kya yeh sab free hai ? Well aapko ghabrane ki bilkul jarurat nahi hai kyuki hum aapke sath wahi tarika share karte hai jo free ho aur kaam bhi aaye. So ab aapko jarur iss post ko padhne ka dil kar raha hoga toh intezar kis baat ka chaliye shuru karte hai 😀

Mobile Phone Ki Location Kaise Pata Kare:

Main iss post ko likhne se pehle yeh maan kar chal raha hu ki aap ek android user hai kyuki aaj jo hum tarika sikhne wale hai woh sirf android users ke liye hai waise bhi aajkal jyadatar log android smartphone hi use karte hai. Agar aap android user nahi hai aur apna phone wapas chahte hai toh apne phone ke IMEI number ke sath police station mein complain register kare woh aapke phone ko dhundhne mein aapki madad karenge. Android users ko kahi jane ki jarurat nahi hai bas aapko humara yeh post follow karna hai

1) Sabse pehle apne PC ke browser se Android Device Manager Page par visit kare

2) Ab apna gmail account login kare yaad rahe aapko usi gmail account ko login karna hai jis gmail account se aapne apne phone login kiya hai

3) Gmail account login karne ke baad ek new page open hoga jo kuch iss tarah se dikhai dega jaisa maine neeche screenshot mein dikha rakha hai

mobile phone ki location kaise pata kare

4) Ab ek map show hoga jisme aapka current location show hoga. Yeh location tabhi show hoga jab aapke phone mein internet aur gps dono enable ho

5) Agar aapke phone mein gps enable na ho lekin internet enable ho toh aap apna phone toh locate nahi kar sakte lekin dusre actions perform kar sakte hai jaise ki

  • Ring: Iss option ki madad se aapka phone jaha kahi bhi hoga woh ringing karne lagega. Yeh option tabhi helpful hai jab aapka phone aapke aas paas hi ho bas woh aapko mil nahi raha ho. Agar phone silent mode par hoga toh ringing sunai nahi degi
  • Lock: Yeh bahut accha option hai iss option ki madad se aap apne phone par lock laga sakte hai. Yeh option aapke liye tabhi helpful hai jab aapko pata ho ki aapka phone kisne liya hai ya kaha par hai. So agar aap chahte ho ki koi aapke files check na kare toh yeh lock laga sakte hai
  • Erase: Iss option ko tab tak istemal na kare jab tak iski jarurat na pade. Actually iss option ki madad se aapke phone se sab kuch delete ho jata hai. Yeh option tabhi helpful hai jab phone milne ke chances kam hote hai kyuki jab phone nahi milta tab yahi accha hota hai ki hum apne phone ke sabhi files delete karde taki koi uska misuse na kare. Iss option ka use karne ke baad aap apne files kabhi recover nahi kar sakte

6) Agar aapke paas PC nahi hai tab bhi aap Android Device Manager ka use kar sakte ho, pata hai kaise ? So yeh bahut simple hai bas aapko karna yeh hai ki apne kisi phone mein Android Device Manager application install karna hai aur aapka kaam ho jayega. Iss application ka use bhi aap same usi tarah kar sakte ho jaisa maine abhi upar PC users ke liye bataya hai kyuki sabhi options same hai

Final Words:

So friends aaj humne jana mobile phone ki location kaise pata kare. Yeh kuch tricks aaj maine aap sabhi ko bataya jo aap tab istemal kar sakte ho jab aapka phone chori jata hai. Yeh jo tarika aaj hum sabhi ne iss post mein jana usse hum apne phone ki real time location pata kar sakte hai, phone ring kar sakte hai, phone lock aur erase kar sakte hai. I hope friends aapko humara post pasand aaya hoga agar aapka answer yes hai toh please iss post ko share jarur kare.