Operating System Kya Hai ? What is Operating System

Operating System Kya Hai ? What is Operating System

Operating system kya hai ? Dosto kya aapko pata hai yeh operating system kya hota hai ? Agar nahi pata toh iss post ko pura padhiye aapko pata chal jayega ki operating system kya hai. Dosto agar aap non techgnical person aur aap computer gadgets ke bare mein jyada nahi jante phir bhi koi baat nahi kyuki hum jis tarike se aapko operating system ke bare mein batane wale hai shayad uske baad aap operating system ko kabhi nahi bhul sakte. Yeh post bahut hi jaruri hai aap sabhi ke liye kyuki hum bachpan se operating system ka naam sunte aa rahe hote hai lekin humein yeh nahi pata hota ki operating system kya hai so main ummeed karta hu ki aapko humara yeh post pasand aayega toh chaliye jante hai operating system kya hai sath mein hum yeh bhi janenge ki operating system ke kitne types hai aur iske function kya hai

operating system kya hai

Dosto agar aapko bhi meri tarah gadgets se pyar hai toh aapko bhi operating system ke bare mein pata hona chahiye. Main chahu toh aap sabhi ko sirf kuch words mein operating system ke bare mein bata sakta hu lekin main chahta hu ki aapko humare blog se acchi jankari aur puri jankari mile isliye hum aapko operating system ke bare mein toh batenge sath mein kuch popular operating system ki bhi jankari denge jisse aapko operating system ko samajhne mein aasani hogi

Main aane wale time mein computer ke aur bhi functions ko explain karunga jaise ki main aapko pehle bhi bata chuka hu software kaise banaye iss post ke andar maine aapko software ke bare mein bahut kuch bataya tha. Agar aapko operating system ke bare mein nahi pata toh main aapko computer ke dusre functions ki jankari acche se nahi samjha sakta so please iss post ko acche se padhe aur jane operating system kya hai

Operating System Kya Hai:

Operating system ko aap computer ka brain bol sakte ho kyuki jitne bhi management process hote hai woh operating system dwara hi control kiye jate hai. Operating system ek tarah ka system software hai agar aapko system software ke bare mein nahi pata toh please yeh post padhe aapko madad milegi. Operating system jo hota hai woh user aur computer ke beech interface ka kaam karta hai. Operating system dwara computer ke sabhi basic task perform kiye jate hai jaise ki file management, memory management, process management, handling input & output, controlling device like disk drives & printers etc.

Operating system jo hota hai woh application software ko command samjhane mein madad karta hai actually softwares aur dusre programmes jo computer mein run hote hote hai unke paas kuch sochne samajhne ki shakti nahi hoti isliye operating system unhe user dwara diye gaye commands ko samajhne mein madad karta hai jaise ki google chrome aapne apne computer mein open kiya lekin yeh tab tak open nahi hoga jab tak operating system isey open hone ko nahi kahega. Operating system bhi computer ka brain hai thik usi tarah jaise human ke paas brain hai aap khud imagine kijiye jab aapke paas brain nahi hoga toh aapka kya hoga ? Aap kuch soch samajh nahi sakte isliye operating system computers ke liye bahut hi important hai

Agar hum 1940s ki baat kare toh uss time operating system nahi hote the. Aap jarur soch rahe honge ki bina operating system ke computer phir kaam kaise karta tha ? So friends bina operating system ke unhe addition, subtraction, multiplication, division jaise chhote kaam mein bhi kuch minute lag jate the kyuki unhe inn chhote task ke liye bhi programming karni padti thi tabhi computer uss programming language ko read kar pata tha agar programming karte time chhoti galti bhi ho gayi toh unhe usey thik karne aur samajhne mein ghanto lag jate the. Mujhe lagta hai aapko ab pata chal gaya hoga ki operating system kya hai aur yeh kyu jaruri hai

Bahut se log yeh sochte hai ki operating system sirf windows ko bola jata hai jabki aisa kuch nahi hai dosto aapko jankar hairani hogi ki 600 se bhi jyada operating system different devices ke liye banai ja chuki hai kuch popular operating system ke naam kuch iss tarah hai windows, linux, android, macintosh etc. kuch operating system free hote hai aur kuch paid jaise ki linux ek free operating system hai jabki windows ek paid operating system hai

Ab shayad se aap samajh chuke honge ki operating system kya hai lekin main chahta hu ki aapko operating system ke bare mein jyada se jyada jankari ho isliye main aapko operating system ke types aur iske functions ke bare mein bhi bataunga toh chaliye inhe bhi padhte hai

Types of Operating System:

1) Real-Time Operating System:

Iss operating ko hum RTOS bhi bolte hai inka use control machinery, scientific instruments aur industrial systems ko manage karne ke kaam aata hai. Yeh computer resources ko manage karta hai aur sabhi operations ko equal time deta hai. Real-Time Operating system ke bhi two types hai chaliye unhe bhi jaan lete hai

  1. Hard-Real Time Systems: Iss tarah ke operating systems apna kaam time par complete karte hai
  2. Soft-Real Time Systems: Iss tarah ke operating systems sabse pehle jaruri task ko complete karte hai baad mein kisi dusre task par dhyan deta hai

2) Single User, Single Task Operating System:

Aapko naam se hi pata chal gaya hoga ki iss tarah ke operating systems ek time par sirf single user aur single task ko perform karte hai. Iss tarah ke operating system mein single task ya operation ek single user dwara bahut acche se perform kiya ja sakta hai Palm OS iska bahut accha example hai

3) Single User, Multi Task operating System:

Iss  tarah ka operating system ek se jyada task ko same time par perform kar sakta hai jaise ki koi user music sunte huye apne computer mein koi article bhi likh sakta hai. Iss OS ka jo processor hota hai woh time ko different task ke liye divide kar deta hai aur iss process ko hum time sharing systems ke naam se jante hai. Windows 95 aur uske baad wale versions iss OS ka bahut accha example hai

4) Multiuser Operating System:

Iss tarah ke operating system mein multiple users same data ya information ko network ki madad se kisi time par access kar sakta hai aur users chahe toh ek dusre se bhi interact ho sakte hai. Iss tarah ke OS ke kuch example iss tarah hai Linux, Unix aur Windows 7

5) Multiprocessing Operating System:

Iss tarah ke operating system mein single user do ya do se jyada processor ka use kar sakta hai aur sabhi processing aur unke management parallel way mein kaam karte hai isliye iss OS ko hum Parallel Processing ke naam se bhi jante hai. Inke executions parallel way mein hote hai jis wajah se yeh high speed execution ke liye applicable hai aur inse computer power ko bhi badhaya ja sakta hai. Linux, UNIX aur Windows 7 iske kuch examples hai

6) Distributed Operating System:

Yeh resource manager ki tarah kaam karta hai iss tarah ke operating system mein multiple users aur applications resources ko share kar sakte hai jaise ki CPUs, memories, peripheral devices, network aur har tarah ke data. LOCUS aur MICROS iss OS ke best examples hai

7) Network Operating System:

Iss tarah ke operating system mein special function hote hai computer aur devices ko LAN ( Local Area Network) par connect karne ke liye. Iss tarah ke OS ke kuch examples iss tarah hai Novell Netware, Windows NT/2000, Linux, UNIX aur IBM OS/2

Functions of Operating System:

1) Hardware Management:

Sabse important function jo operating system ka hota hai woh internal/external hardware ko manage karna hai. Operating system sabhi connected device ko control karta hai aur unhe yeh batata hai ki unhe kya karna hai unka kaam kya hai. Agar aap unn hardwares ke naam janana chahte hai jo operating system dwara control hota hai to unke kuch example iss tarah hai hard disk, optical drives, video cards aur external port controllers jaise ki USB aur Firewall

2) Program Control:

Operating system humare computer programs ko bhi run karta hai aur sath mein unhe operate karne ka kaam bhi operating system dwara hi hota hai. Program ko operating system tabhi operate kar payega jab uss program ko kisi particular operating system ko dhyan mein rakhkar banaya gaya ho. Agar operating system nahi honge toh program apna task complete nahi kar payenge

3) Data Access:

Operating system chahe toh aapke computer hard drive ko access kar sakta hai, kuch store kar sakta hai aur data bhi prapt kar sakta hai. RAM ke andar jo data temporarily store hota hai usey bhi manage operating system hi karta hai. Operating system different types ke data prapt aur store dono kar sakta hai jaise ki music, videos, pictures, document files. Yeh toh sabhi ko pata hai hard drive khud data ko read aur write karta hai lekin bina operating system ke hard drive yeh decide nahi kar payega ki kis data ko write karna hai aur kise read karna hai

4) System Resource Management:

Operating system ka kaam computer resources ko manage karna aur jarurat ke hisab se usey pahuchane ka bhi hota hai jaise ki kis task ko CPU kis order mein process karega, kis program/function ko sabse pehle power ya memory deni hai aur isi tarah se bahut se resource management operating system khud karta hai. Computer ke andar bahut se operations kaam kar rahe hote hai unka bhi priority order operating system hi decide karta hai matlab kis operation ko jyada importance diya jaye aur kisko kam

5) Network Communication:

Operating system network communication ka kaam bhi karta hai matlab connected device ko computer ya kisi computer program ke sath communicate karana jiski usey jarurat ho. Network cards jaise ki Ethernet ports aur wireless LAN cards ke paas tools hote hai network ke sath connect hone ke liye lekin unhe bhi operating system ki jarurat padti hai taki communication sahi se ho aur information bhi acche se exchange ho paye. Operating system aapke liye unn informations ko bhi interpret karta hai jo iske paas aata hai aur pata lagata hai ki aapke computer mein jitne bhi programs install hai unme se kaunsa yeh kaam aapke liye acchi tarah kar sakta hai aur usi program ko aapke liye run karta hai

6) Data Security:

Sabhi ke computer mein data hote hai jo woh kabhi khona nahi chahte lekin computer mein agar koi kharabi aa gayi toh woh data delete ho sakti hai isliye operating system ko yeh kaam diya jata hai ki computer data ko modification, deletion aur viruses se bacha kar rakhe

7) Loading & Execution:

Computer mein jo programs hote hai woh execute hone se pehle memory mein load hote hai. Operating system programs ki madad karta hai memory mein load hone ke liye taki koi beech mein problem na ho aur program aasani se execute ho jaye

Final Words:

So dosto main ummeed karta hu ki aapko humara yeh post jarur pasand aaya hoga aaj humne iss post mein operating system kya hai iss bare mein bahut kuch jana aur maine iss post ko simple language mein likha taki logo ko jyada pareshani na ho inhe samajhne mein. Aapko aaj pata chal gaya hoga ki operating system kya hai, kitne types ke hote hai aur kya kaam karte hai. Humare bataye huye jankari se aaj aapko kuch naya seekhne ko mila hoga. Main apni puri koshish karunga ki future mein bhi aapko aise post milte rahe tab tak ke liye bye. Agar aapko humara yeh post pasand aaya ho toh please isey jarur kare