Acchi Personality Kaise Banaye [Tips in Hindi]

20

Acchi personality kaise banaye ? Bahut baar hum khali baithe yeh jarurr sohte hai ki aisa kya kare ki log humse attract ho. Aisa sochne ke bahut se personal reasons ho sakte hai. Mere hisab se har bande ko apni personality banake rakhni chahiye taki woh logo ke beech mojood na hote huye bhi unke charche ka topic bane rahe. Har banda chahta hai ki log usey sabse jyada attention de aur aisa possible bhi hai agar aap humare diye huye tips follow kare toh, By the way aaj hum yeh janenge ki acchi personality kaise banaye. So chaliye kuch tips jante hai jisse humare personality mein jarur sudhar aayega

acchi personality kaise

Chahe ladka ho ya ladki har koi apna personality develop karna chahta hai. Bahut se log toh personality develop karne ke liye course mein lakho rupay tak kharch karte hai lekin humare blog par aapko sabhi tips bilkul free mein di jayegi. Personality agar aapki acchi na ho toh aapke friends aapka mazak udate hai aur funny names se aapko pukarte hai mere hisab se aajkal ke time mein sabhi ko apni personality ka dhyan jarur rakhna chahiye. Agar aapko acting ke field mein jana hai toh aapki personality strong honi chahiye tabhi aapka selection hota hai

Agar aap strong personality ki baat kare toh  strong personality bahut kam logo mein dekhi jati hai. Aise log andar se pure confidented hote hai yeh khud par pura bharosha karte hai. Agar aapki bhi personality strong hogi toh interview mein aapke selection  ke chance bhi badh jate hai kyuki interviewers ko aise logo ki hi khoj hoti hai jinki strong personality ho aur sabhi situation handle karna jante ho. Strong aur acchi personality wale log apni baaton se saamne wale ko aasani se impress kar lete hai aur aise logo ko har jagah respect milta hai

Acchi Personality Kaise Banaye:

#The Way You Speak:

Sabse pehli chij jo aapko yaad rakhni hai woh yeh hai ki aapke bolne ka tarika kaisa hai. Freinds jab aap kisi person se milte ho tab sabse pehle kya dekhte ho ? Off course uske bolne ka tarika, Main sahi keh raha hu na ? Ab aapko pata chal gaya hoga ki bolne ka tarika kitna important hai ek achhe personality person ke liye. Maan lo aap audience ke samne kisi topic par speech de rahe ho tab aapko apni voice loud aur soft rakhni hai taki log aapki baatein dhyan se sune, Dusri chij jo aapko dhyan mein rakhni hai woh yeh hai ki hand gesture matlab kisi person ko kuch batate time iss baat ka pura dhyan rakhne ki aapka hand kis tarah se move kar raha hai isey aise move kare ki aapke samne wala banda hand movement dekh ke hi samajh jaye ki aap kehna kya chahte ho. Friends agar aap acche hand gesture karte ho toh samne wale bande par badhiya impression jamega

#Dressing Sense Should Be Good:

Agar aapki dressing sense achhi nahi hogi toh aap achhi personality bana hi nahi sakte aisa mere nahi bahut se logo ka kehna hai. Aisa nahi hai ki aap har chij branded hi pehno jitna aapka budget ho utne ka hi kharide magar dress aisa hona chahiye ki samne wala bande ki nazar aap par hi bani rahe. Bahut se logo mein achha dressing sense nahi hota aise log dress kharidte time apne friends, relatives, family ki help le sakte hai jinme achhi dressing sense ho

#Know About Yourself:

Har insaan ke paas good habits bhi hote hai aur bad habits bhi hote hai. Aise mein aapko apne andar ki kamiyo ko pata karna hai aur usey thik karne ki puri kosish karni hai. Aapko apne bare mein utna pata nahi hoga jitna aapke friends aur family ko pata hoga kyuki woh aapke sabhi activities par humesha nazar rakhte hai isliye behtar hoga ki aap apne friends ya family kisi se bhi apne bare mein puche, I’m sure woh aapki puri madad karenge

#Please Don’t Be Shy:

Har bande ko shy hona chahiye lekin limit mein aisa nahi ki aap koi meeting attend karne gaye aur jyada logo ko dekhkar kuch bol hi nahi paye. Humesha bindass rehne ki koshish karo aur sabse khulke baat karo. Aapke saamne wale ko yeh nahi lagna chahiye ki aap andar se dare huye ho

#You Should Have A Good Sense Of Humour:

Boring person kisi ko pasand nahi hota mujhe bhi pasand nahi, I’m sure aap logo ko bhi boring person pasand nahi hoga. Isliye humesha koshish karo ki aapke wajah se kisi ke chehre par chhoti se muskaan aaye, Aisa nahi karna ki aap logo ko hasane ke liye joker wali harkate karne lago sirf aapko apne baaton se hi logo ke chehre par muskaan lani hai. Jab aapka sense of humour accha hoga toh log aapse baat karna chahenge aur aapko pasand karenge

#Your Behaviour Is Everything:

Aap logo mein se bahut ne yeh jarur suna hoga ki first impression is a last impression aur yeh 100% sach hai. Aapko pata nahi hoga lekin aapke aas paas ke log aapke activities par humesha nazar rakhte hai ki aap childrens, youngers, old peoples, adults, parents, teachers, friends ke sath kaise behave karte ho. Humesha ek baat ka dhyan rakhe ki koi aapse chhota ho ya bada ho sabhi se respect se baat kare aur apna behaviour humesha achha aur straightforward rakhe aisa karne se log aapse attract honge

#Be A Good Motivational Speaker:

Dusro ko motivate karna punya ka kaam hota hai isse aapke personality par bahut fark padega. Aapko pata hoga life mein ek taraf jaha khushi hai wahi dusri taraf gam bhi hai kuch logo ko gam se nikalne ke liye motivation ki jarurat hoti hai aise logo ki madad kare isse aapke andar positive personality develop hogi. Agar aap dusro ko motivate karte ho toh unke success ke piche kahi na kahi aapka hath jarur hoga. Jab aap dusro ko motivate karke unki help karte ho toh aapke andar ki positivity bhi increase hogi

#Share Your Thoughts With Other:

Apne vichaar logo ke saamne rakhne ki koshish kare. Maan lo aap koi meeting attend karne gaye lekin aapne apna koi vichaar meeting ke time nahi rakha toh dusre log aapke behaviour se khush nahi honge aur woh aapke sath dobara meeting nahi karna chahenge. Aapko jab bhi lage ki nahi yeh hona chahiye toh woh baat apne dil mein na rakhe logo ke saamne uss baat ko rakhe isse personality ke sath aapke confidence mein bhi sudhar aayega

Final Words:

So dosto dekha aapne ki hum apne personality mein kaise sudhar kar sakte ho i hope ab aapko pata chal gaya hoga ki acchi personality kaise banaye. Agar aap humare bataye huye tips ko acche se follow karte ho toh aapki personality jaldi improve ho jayegi bina kisi personality development couse ke. Agar aapko humara yeh post pasand aaya ho toh please isey jarur share kare