Phone Root Kaise Kare: Phone Root Karne Ka Tarika

83

Phone root kaise kare ? Hello friends aaj hum yeh janenge ki android phone ko root kaise kare main aapko aaj woh har method bataunge jisse ki aap easily apne mobile ko root kar sakte ho bina pc istemaal kiye. Humare iss blog par mostly post android tricks ke bare mein hai jinme bahut se tricks mein root permission ki jarurat padti hai lekin bahut se logo ko pata nahi hota ki yeh mobie rooting kya hai ? Mobile rooting ke fayde kya hai ? Mobile rooting ke nuksan kya hai ? Aur bhi bahut se sawalo ka answer aaj main aapko iss post mein dene wale hu isliye iss post ko pure dhyan se padhe. Iss post ko start karne se pehle main aapko batana chaunga ki jab tak aapka koi jaruri kaam na ho tab tak mobile root na kare iske piche ka reason main aage iss post mein bata dunga. So friends chaliye jante hai android phone root kaise kare

root kaise kare

Agar aap apne phone ke boss banana chahte hai toh aapko apna phone root karna hi padega kyuki phone root karne ke baad hi aapka pura control apne phone par hota hai. Phone root karne ke bahut se tarike aapko internet par mil jayenge lekin main aapko sabse safe tarika iss post mein batane wala hu jo aapko jarur pasand aayega. Iss post mein hum phone root karne ka tarika without pc janenge sath mein main aapko yeh bhi bataunga ki phone root karne se pehle kya karna chahiye taki aapke phone ko koi nuksan nahi pahuche lekin phir bhi main kisi ke phone ki guarantee nahi leta ab aapki marzi hai aapko humara post follow karna hai ya nahi

Android phone ko hum 2 tarike se root kar sakte hai, first tarika hai PC ke madad se lekin bahut se log PC ka use nahi karte aur PC wala method thoda difficult bhi hota hai isliye iss post mein hum bina PC ke mobile root kaise kare iss bare mein janenge. Phone root kaise kare yeh janane se pehle chaliye rooting ke bare mein jaan lete hai

Root Kya Hota Hai:

Agar main simple words mein bolu toh root karne ke baad aap apne phone ke real boss ban jate ho matlab aap jaise chahe apne phone ko customize kar sakte ho. Mobile root karne ke baad aap system apps delete kar sakte ho, ram badha sakte ho, fully customize kar sakte ho aur bhi bahut se fayde hai mobile rooting ke lekin iske sath rooting ke kuch nuksan bhi hai toh chaliye iss bare mein pure detail ke sath padhte hai

Root Karne Ke Fayde:

Increase Your Phone Speed: Aap sabhi ko pata hoga jab hum new mobile lete hai tab uski speed bahut tez hoti hai lekin samay ke sath uske speed mein kami aa jati hai aur phone hang hone lagta hai, So agar inn hanging problem ke sath deal karna chahte ho toh mobile root karke aap apne phone ki speed badha sakte ho aur big size applications ko bhi kam ram wale phone mein chala sakte ho

Increase Battery Life: Bahut baar hum apne phone ko full charge karke sochte hai ki ab yeh acchi backup dega lekin aisa nahi hota aur kuch hi time mein woh battery puri tarah se discharge ho jati hai. Agar aap apne phone ki battery backup badhana chahte ho toh apne phone ko root karke badha sakte ho

Run Special Apps: Play store par bahut se aise apps mojood hai jiski humein jarurat hoti hai lekin woh apps humare phone ko tabhi support karte hai jab humara phone rooted ho. So aap unn sabhi apps ko apne phone mein chala sakte ho jo root permission mangta ho

Run Custom Roms: Bahut baar hum apne phone ke liye company ke taraf se update ka intejaar karke thak jate hai lekin humein koi update nahi milta aise condition mein log custom rom ka use karte hai jo bilkul alag design ka hota hai aur bahut se features hote hai usme. Agar aap bhi custom rom apne phone mein install karna chahte ho toh usse pehle aapko apne phone ko root karna padega

Uninstall System Apps: Aapne bahut baar notice kiya hoga ki jab aap koi smartphone kharidte ho usme bahut se faltu ke apps pre-installed hote hai jo aapke liye puri tarah se useless hai aur non-rooted phones mein hum system apps ko uninstall nahi kar sakte lekin agar aapka phone rooted hai toh kisi bhi system app ko uninstall kar sakte ho

Root Karne Ke Nuksan:

Void Your Warranty: Mere hisab se yahi sabse badi problem hai mobile root karne ka, Agar aap apne phone ko root karte ho toh aapke smartphone ki warranty khatam ho jayegi chahe aapke smartphone ki warranty 1 year remaining ho fir bhi woh kisi kaam ki nahi rahegi. Main aapko suggest karunga ki jab tak aapke smartphone ki warranty expire nahi ho jati tab tak moble root na kare toh behtar hai

Update Will Not Available: Aap sabhi jante ho har saal android apna new version launch karta hai new features ke sath lekin yeh update unke liye nahi hota jo apne mobie ko root kar chuke hote hai isliye agar aap future mein new update apne phone ke liye pana chahte ho toh root ka khayal apne dimag se nikal de

Your Device May Brick: Agar aap apne phone ki bahut jyada care karte hai toh phone root karna aapke liye accha nahi hoga. Bahut baar aisa hota hai ki rooting process ke time humara mobile brick ho jata hai hum chahe jitni bhi koshish karle fir woh open nahi hota aur humein usey service centre le jana padta hai repairing ke liye. So apne phone ke brick hone ke chances ko kam karna chahte ho toh kisi bhi rooting step ko na chhode aur sahi se tutorial follow kare

Root Karne Se Pehle Kya Kare:

1) Apne smartphone ki battery at lest 60% rakhe kyuki rooting ke time agar aapka device switch off ho gaya toh device brick bhi ho sakta hai. Agar aapke device ki battery jaldi khatam ho jati hai battery full rakhe

2) Aapne agar unknwon sources allow nahi kar rakha toh isey allow kare. Unknown sources allow karne ke liye settings>> security>> unknown sources par tick karde

3) Rooting se pehle apne phone ka full backup bana lena chahiye. Apne device ke data ka ka backup banane ke liye aapko play store par bahut se apps mil jayenge

Android Phone Ko Root Kaise Kare:

Framaroot:

1) Iss app se aap apne phone ko ek click mein root kar sakte ho aur yeh app rooting ke liye bhi achcha hai lekin yeh app har mobile ko root nahi kar sakta yeh sirf kuch selected mobile phones ko hi root kar sakta hai. Agar aap janana chahte hai ki yeh app aapke mobile mein support karega ya nahi uske liya yaha click kare: Click Here

Agar aapka phone framaroot ko support karta hai toh iss app ko yaha se download kare: Download Here

Towelroot:

2) Towelroot aapke liye suitable hogi agar aapke phone ka version kitkat 4.4.2 ha, iss app se aap apne phone ko ek click mein root kar sakte ho: Download Towelroot

Kingroot:

3) Yeh app jyadatar phones ko support karta hai aur MTK devices bhi isi se root kiye jate hai mera phone bhi kingroot se hi rooted hua hai: Download Kingroot

CF Root:

4) Yeh app samsung mobiles ko easily root kar deta hai agar aap bhi samsung user ho to aap isey download kar sakte ho: Download CF Root

Z4root:

5) Yeh app aapke phone ko 2 different tarike se root kar sakta hai yahi Z4root ka sabse achcha feature hai

Temporary Root: Temporary se aap matlab to samajh hi gaye honge chalo fir bhi main aapko iska matlab bata deta hu agar aap Temporay root apply karte ho to aapka mobile automatically unroot ho jata hai apne mobile ko restart ya reboot karne ke baad

Permanent Root: Permanent root karne ke baad aapka phone automatically unroot nahi hoga aapko manually unroot karna padega apne phone ko: Download Z4root

Vroot:

6) Yeh app bhi bahut accha hai apne phone ko one click root karne ke liye toh isey bhi aap try kar sakte ho: Download Vroot

Iroot:

7) Iroot app bhi jaydatar phones ko support karta hai aur yeh bhi one click root karta hai: Download Iroot

Kingoroot:

8) Yeh bhi best application hai mobile ko root karne ke liye to isey bhi ek baar try karle: Download KingoRoot

Root Genius:

9) Yeh app bhi Kingroot ki tarah MTK devices ko easily root kar deta hai. Root genius ki aur acchi feature hai jiski madad se aap chaho toh kabhi bhi apne mobile ko unroot kar sakte ho: Download Root Genius

Alternate Method:

Agar aapne upar bataye sabhi apps ka use kar liya hai fir bhi aapka phone root nahi ho raha toh aap alternate method follow kar sakte ho jo ki bahut simple hai

1) Go to Settings>> About phone>> Ab apne mobile ka model number note karle

2) Ab google search engine open kare apne pc ya mobile se

3) Iss keyword ke sath search kare ‘How to root xyz’ ab aapko xyz ko apne mobile ke model number ke sath replace karna hai

4) Search karne ke baad aapko bahut se tutorials mil jayenge jinhe aap follow kar sakte ho

Final Words:

Aaj humne jana ki phone root kaise kare. I hope aapne humare iss post ko jarur enjoy kiya hoga. Yeh post unn har android users ke liye hai jo apna phone root karna chahte hai. Iss post mein maine root ke fayde, root ke nuksan, root kaise kare sabhi baatein aap logo ke sath share kar rakhi hai jo shayad hi aapko kisi dusre website par mile. Agar aapko humara post pasand aaya ho toh please isey share jarur kare