Software Kaise Banate Hai Puri Jankari Hindi Me

40

Software kaise banate hai, software kaise banaye, software bana hai, software kaise banaye, software banane ka tarika, software banane ke liye kya kare, software banana hai kya kare, software ki jankari.

Dosto yeh sawal mujhse bahut baar comment section mein pucha ja chuka hai isliye maine socha iss topic par aap sabhi ke liye jarur post likha jaye isliye aaj hum janenge ki software kya hote hai ? software kitne type ke hote hai ? Phir end mein hum janenge ki software kaise banate hai. Actually iss topic mein hum bahut basic chije janenge jo software banane ke liye bahut jaruri hai. Main iss post ke andar aap sabhi ko har step acche se bataunga jisse aapke mann mein koi doubt na rahe lekin by chance agar koi doubt ho toh please bina ghabraye apna question aap humare comment section mein puch sakte ho. Agar aapko software ke bare mein jyada knowledge nahi hai toh koi baat nahi iss post ko hum beginner ke hisab se start karenge taki iss post ko woh log bhi aasani se samajh paye jo non technical field se ho. So ab bina time waste kiye chaliye jante hai software kaise banate hai

software kaise banate hai

Software Kya Hota Hai:

Sabse pehle humara yeh samajhna jaruri hai ki software kya hota hai ? So agar main simple words mein bolu toh software basically ek tarah ka instruction hota hai jo computers ke liye banaya jata hai taki unhe instruct kar sake. Bahut se log confuse hote hai ki software aur hardware mein kya difference hai ? So dont’t worry main aapko batata hu software aur hardware mein kya difference hai actually hardware physical parts ko bola jata hai matlab jinhe hum touch kar sakte hai jabki software ko hum touch nahi kar sakte. Hardware jo hote hai humesha software dwara control hota hai aur software ko hum only hardware dwara control kar sakte hai jaise ki computer bhi ek tarah ka hardware hai jo software dwara control hota hai aur software kabhi bina hardware ke run nahi ho sakta matlab yeh dono ek dusre ke bina nahi reh sakte 😉 Software kaise banate hai yeh janane se pehle chaliye software ke bare mein thoda bahut samajh lete hai

Software Ke Kitne Types Hai:

Software ke two types hote hai

1) System Software: Iss type ke software humesha computer system ko manage aur control karne ke liye use kiya jata hai. Jitne bhi major operations computer system mein hote hai woh system software dwara hi control kiye jate hai

  1. Yeh sabhi hardware device ko control karne ke liye use hota hai
  2. Yeh software ko control karne ke liye use hota hai
  3. Yeh process management control karne ke liye use hota hai
  4. Yeh computer ke sabhi files & document ko manage karta hai
  5. Iske examples windows, linux, android, unix etc. hai

2) Application Software: Iss type ke software kisi khaas kaam ke liye bane hote hai. Application software se kaam karane ke liye user ka sabse important role hota hai. Application software system software ke under work karta hai. Jitne bhi software aapke computer par work karte hai woh application software hi hote hai jaise microsoft office word, microsoft office excel, microsoft office powerpoint, paint, notepad etc.

Mujhe lagta hai itni jankari aap sabhi ke liye kafi hogi aur ab aap samajh gaye honge ki software kya hote hai aur iske kitne types hote hai. Yeh jankari dena mera bahut jaruri tha nahi toh aap software ko acchi tarah samajh nahi pate. So chaliye dosto ab time aa chuka hai yeh janane ka ki software kaise banate hai

Software Kaise Banate Hai:

#Choose the Type of Software Interest:

Jaisa ki maine abhi aapko software ke types bataye the ki software ke two types hote hai System software & Application software. System software usey kehte hai jo operating system ko create aur maintain karne ke liye hota hai jaise ki windows ko aap system software bol sakte ho kyuki yeh ek operating system hai. Application software usey kehte hai jo user ke kaam ko aasan karne ke liye banaya jata hai jaise ki paint software kyuki iski madad se humara paint se related kaam chutkiyo mein ho jata hai. So friends sabse pehle aapko apna interest dekhna hai ki aap kis tarah ka software banana chahte ho

#Learn Programming Language:

Agar aap software development mein interest rakhte hai toh bahut baar aapke dimag mein idea aaya hoga kuch create karne ka lekin aap unn ideas ko reality mein kaise badal sakte ho ? Ji yeh bahut simple hai aapko apne ideas ko reality mein badalne ke liye programming language sikhni padegi tabhi aap software development mein apna career bana sakte ho. By the way programming language bahut type ke hote hai lekin main aapko unn programming languages ki jankari de deta hu jinse aapko software development field mein jarur madad milegi

  • C: Agar hum C language ki baat kare toh yeh bahut hi old language hai aisa bhi mana jata ki hai ki jitne bhi dusre programming language hai unka janam bhi C language ke wajah se hi hua hai. So iska knowledge hona bhi bahut jaruri hai aur iski madad se aap low level programs design kar sakte ho
  • C++: Iss language ko aap C ka object-oriented version bhi bol sakte ho kyuki jo variables hum isme declare karte hai unhe objects kehte hai yeh language world ka sabse popular programming language hai aur isi language ki madad se chrome, firefox, photoshop jaise popular software banaye gaye hai. C++ developers ki humesha se high demand rahi hai
  • Java: Yeh langauge C++ mein kuch changes karke banaya gaya hai. Iss language ki madad se applications aur video games ko banaya ja sakta hai
  • C#: Yeh ek windows based language hai jo .NET framework(Microsoft) ka ek part hai. Yeh language C++ aur java se kafi milti julti hai agar aapko java ki knowledge hai toh aap C# ko jaldi se sikh sakte ho. Yeh language windows developers ke liye bahut helpful hai
  • Python: Yeh bahut hi easy language hai jise koi bhi jaldi sikh sakta hai. Iska use bahut baar web development mein kiya jata hai
  • PHP: Iska use bhi web development ke liye kiya jata hai lekin software development mein bhi isse thodi madad milegi

#Take Classes to Learn:

Jab hum kisi field mein beginner hote hai toh humein chijo ko samajhne mein thodi dikkat hoti hai jis wajah se hum bahut se galtiya kar dete hai jinki knowledge humein bilkul nahi hoti. So mere kehne ka seedha matlab yeh hai ki starting mein aapko guiding ki jarurat padegi isliye classes lena bhi bahut jaruri hai woh aapko software development ke basics ko samjhayenge uske baad aage aapki asli classes start hongi kyuki bhi kisi field mein aage badhne ke liye humare basics complete hone chahiye

#Practice Every Day:

Jab aap software development field mein new hote ho tab aapko bahut practice ki jarurat padti hai tabhi aap daily new technique sikh sakte ho. Software development mein programming language bahut important hota hai isliye inhe daily time jarur de aur khoob practice kare. Jab aapki inn programming languages par acchi pakad ban jati hai tab aap apne new project par kaam kar sakte ho. Mera yakeen maniye jab aapki programming language par acchi pakad ban jati hai tab aap apne ideas ko reality mein aasani se badal sakte ho

#Distribute Your Software:

Jab aap new software bana lete ho tab question yeh aata hai ki inhe audience tak kaise pahuchaya jaye aur isey kaise sell kare. Yeh bahut hi simple hai dosto agar aapke paas koi website hai toh aap apne software ko apne website par hi promote kar sakte ho aur apne software ko sell karne ke liye kisi digital payment system ka use kar sakte ho. Agar aapka software kisi specific operating system ke liye banaya gaya hai jaise ki android toh aap usey seedha play store par upload kar sakte ho isi tarah windows phone ke liye microsoft store aur ios device ke liye app store available hai

Final Words:

So dosto aaj humne jana ki software kaise banate hai iss post ko maine bahut easy tarike se samjhane ki koshish ki taki aap logo yeh pasand aaye aur aap iss post ko share kare. Agar aap software banana chahte ho toh yeh acchi baat hai aur iss field mein bahut accha career scope bhi hai jo bahut se logo ko pata nahi hota kyuki aajkal sabhi devices software ke bharose hi jee rahe hai . Agar aap humare iss post ko acche se follow karte ho toh aap ek successful software developer ban sakte ho. Main phir se aap sabhi se ek request karunga ki iss post ko jarur share kare

Tags: Software kaise banate hai, software banane ka tarika, software kaise banaya jata hai, software kaise banaye hindi me, software kaise banaye in hindi, software kaise banate hai hindi me puri jankari, software banana hai, software kaise bante hai, software banane ke liye kya kare