WhatsApp Ki Puri Jankari Hindi Me

0

Kya aap whatsapp ki jankari hindi mein chahte hai ? So iss post ko jarur padhe. Agar aap whatsapp chalana jante hai lekin whatsapp ki acchi jankari aapke paas nahi hai toh aapka whatsapp chalane ka koi matlab nahi banta. Mujhe pata hai aise bahut se log jo whatsapp toh chalana jante hai lekin whatsapp ki jo jankari ek user ko pata honi chahiye woh unke paas nahi hai lekin isme unka bhi kya dosh ? Unko aajtak iss bare mein kisi ne bataya hi nahi. So friends agar aapke paas bhi whatsapp ki jankari nahi hai toh humare iss post ko jarur padhe kyuki aaj hum aap sabhi ke sath whatsapp ki jankari share karne wale hai.

whatsapp ki jankari

Dosto iss post mein hum bahut se chije janane wale hai aur isme kuch aisi baatein bhi main aapko bataunga jo aapne kabhi nahi suni hogi. WhatsApp ki jankari agar aap hasil karna chahte hai toh humara post aapki puri madad karega lekin ek shart par woh shart yeh hai ki aapko humara post pura padhna hoga tabhi isse aapko madad milegi. Main aaj se pehle bhi aapko apne post mein bahut se jankari whatsapp ke bare mein de chuka hu lekin  iss mein hum whatsapp ki jankari hasil karne wale hai so chaliye jante hai.

WhatsApp Ki Puri Jankari:

So friends iss point se hum whatsapp ki jankari hasil karenge main apni puri koshish karunga ki aapko jyada se jyada aur sirf acchi jankari hi di jaye jo aapki knowledge aur motivation dono badha de.

WhatsApp Kya Hai:

WhatsApp ko aap messaging application bol sakte ho. Iss application ki madad se hum apna dost aur family ke sath jud sakte hai. Yeh bilkul free hai isey chalane ke liye koi charge nahi lagta bas aapka internet data use hota hai. Aap whatsapp ki madad se free voice & video calling kar sakte ho. Aap apne friend ko text message, voice message, image, video aur documents send kar sakte. WhatsApp ko aap android, iphone, windows phone, nokia aur blackberry jaise operating system par run kar sakte ho.

WhatsApp Success Story in Hindi:

Hum sabhi ke smartphone mein whatsapp install hota hai aur bina whatsapp install kiye smartphone ke smart hone ka pata nahi chalta 😀 Mere kuch dost hai jinhone smartphone sirf isliye kharida kyuki unhe whatsapp chalana tha isse aap yeh andaza sakte ho ki whatsapp ka aajkal ke youth mein kitna craze aapke andar bhi whatsapp ka utna hi craze hai tabhi aap humara yeh post padh rahe ho XD WhatsApp ko 2009 mein banaya gaya tha isey do dosto ne milkar banaya tha jinka naam Brian Acton aur Jan Koum hai. Aapko yeh jankar hairani hogi ki Brian Acton jo whatsapp ke co-founder hai unhone jab 2009 mein job ke liye facebook mein apply kiya tha tab unhe reject kar diya gaya phir unhone twitter mein job ke liye aaply kiya waha bhi unhe rejection face karna pada. Inn rejection ke baad agar koi dusra person hota woh sochta mere mein hi kuch kami hai aur haar maan jata lekin Brian Acton ne haar nahi mani aur apne dost ke sath milkar whatsapp application bana dala. Thik 5 saal baad jis facebook company ne Brain Acton ko reject kiya tha usi company ne whatsapp ko 19 billion dollar jo indian rupees mein approx 1 lakh crore se bhi jyada mein kharida.

WhatsApp Download Kaise Kare:

WhatsApp download karna bahut hi simple hai. WhatsApp ko aap bahut se operating system par run kar sakte hai. WhatsApp ko hum android, iphone, windows phone, nokia aur blackberry jaise operating system par run kar sakte hai. WhatsApp download karne ke liye aap whatsapp ke official site par visit kar sakte ho. Humne unn logo ke liye ek post bhi tayar ki hai jinhe whatsapp download karne mein problem hoti hai aap iss post ko iss link par visit karke padh sakte hai.

WhatsApp Account Kaise Banaye:

Whatsapp account banana bahut hi simple hai iske liye aapke paas bas ek mobile number hona chahiye. Jab aap apne smartphone mein whatsapp install kar lete ho uske baad aapko isey open karna hai. Isey open karne ke baad aapko country code select karna hai India ke liye +91 select kare. Country code select karne ke baad aapko neeche box mein apna mobile number enter karna hai. Aapke mobile number par OTP recieve hoga jise aapko whatsapp mein enter karna hai. Yeh sabhi steps complete karne ke baad aapko apna profile detail enter karna hai aur aapka whatsapp account tayar ho jayega.

Profile Picture Aur Status Set Kare:

WhatsApp account banane ke baad aapka dusra kaam profile picture aur status set karna hona chahiye. Profle picture aur status set karne ke liye sabse pehle aapko apna whatsapp account open karna hai. Ab settings mein jana hai. Settings ke andar profile option mein jana hai. Ab aap apni profile picture set kar sakte ho sath mein koi accha sa status bhi laga sakte ho.

WhatsApp Kaise Chalaye:

WhatsApp ko chalana bhi bahut simple hai. WhatsApp chalane ke liye aapko kisi technical skill ki jarurat nahi padti iske liye bas aapko message type karna aana chahiye. Agar aapki typing kuch jyada khaas nahi hai toh aap voice messages bhi apne dost ko send kar sakte ho. Aap whatsApp ki madad se free voice & video calling ka maza bhi luft utha sakte ho.

WhatsApp Free Video Calling Kaise Kare:

Aajkal voice calling se jyada video calling mein log apna interest dikha rahe hai kyuki isse woh chahne walo ka face dekh sakte hai mano woh humare saamne hi baithe humse baat kar rahe ho. Yeh feature whatsapp mein new hai jise aapko jarur try karna chahiye. Video calling ke liye aapke paas strong 3G/4G/Wifi connection hona chahiye. WhatsApp free video calling kaise kare maine iss post mein bata rakha hai.

Final Words:

So dosto i hope aapne humara yeh post jarur enjoy kiya hoga. Iss post mein humne bahut hi jaruri jankari hasil ki. Agar aapko whatsapp ki bilkul bhi jankari nahi hai toh iss post mein bataye baaton ka dhyan rakhe aur aapka kaam ho jayega. Agar aapke dosto ko bhi whatsapp ke bare mein jyada jankari nahi hai toh iss post ko unke sath jarur share kare.