WhatsApp Par Block Kisne Kiya Kaise Pata Kare

WhatsApp Par Block Kisne Kiya Kaise Pata Kare

Agar kisi ko humari baat chatting par achhi nahi lagi toh ho sakta hai ki woh insaan humein whatsapp par block karde. Whatsapp ne aisa koi feature officially launch nahi kiya jisse hum yeh pata kar sake ki whatsapp par humein kisi ne block kiya hai ya nahi. Whatsapp par block hone ke bahut se reasons hai ho sakta hai ki woh person aapse chat na karna chahta ho, ho sakta hai aapne uss person ke sath galat behaviour kiya ho, ho sakta hai aapne uss person ko double meaning joke, sms, video, mp3 send kiya ho aur isi tarah se iske piche bahut se reasons ho sakte hai. So friends chaliye jante hai whatsapp par block kisne kiya kaise pata kare.

whatsapp block

Aaj hum iss post mein yeh janane wale hai ki whatsapp par block kisne kiya kaise pata kare. Maine iss post mein woh sare tarike add karne ki kosish ki hai jisse aap yeh aasani se pata laga sakte ho ki kisne aapko whatsapp par block kiya hai. Iss post mein bahut se tarike maine bata rakhe hai lekin koi bhi tarika confirm nahi bata sakta ki aapko kisne whatsapp par block kiya hai lekin agar sabhi tarike valid hote hai toh most chances hai aapke friend ne aapko block kiya hai.

WhatsApp Par Block Kisne Kiya Kaise Pata Kare:

#Blank Profile Picture:

Agar kisi ne aapko block kiya hoga toh uski profile picture aapko show nahi hogi. Agar kabhi achaanak se aapke kisi friend ka profile picture blank show hone lage toh ho sakta hai uss person ne aapko block kar diya ho. Profile picture na show hone par aap yeh confirm nahi ho sakte ki uss person ne aapko block kiya hai, Yeh bhi ho sakta hai ki uss person ne profile picture na lagaya ho ya fir profile picture hi hata diya ho.

#Blank Status:

Staus aur profile picture whatsapp par jyadatar log lagake hi rakhte hai. Whatsapp par agar aapko kisi ne block kiya hoga toh uske profile ka status blank show hoga iss method se bhi aap yeh pata laga sakte ho ki kisne aapko whatsapp par block kiya hai. Lekin iss situation mein yeh bhi possible hai ki uss person ne status set hi na kiya ho isliye aap puri tarah sure nahi ho sakte.

#Check Last Seen:

Iss method mein aapko yeh dekhna hota hai ki aapka friend whatsapp par kab online hua tha. Hum sabhi jante hai ki whatsapp ke last seen feature se hum yeh aasani se pata laga sakte hai ki hamara friend last time kab online hua tha lekin agar aapke friend ne aapko block kiya hoga tab aap yeh pata nahi laga sakte. Lekin ho sakta hai aapke friend ne last seen par privacy laga rakhi ho isliye hum puri tarah sure nahi ho sakte.

#Check Double Tick:

Jab aap koi message whatsapp se send karte ho tab aapne notice kiya hoga ki pehle single tick show hota hai fir double tick show hota hai. So friends main aapko batana chahunga ki single tick ka matlab hota hai ki message send ho chuka hai aur double tick ka matlab hota hai ki aapke friend ko message recieve ho chuka hai, Lekin agar aapko aapke friend ne block kiya hoga tab aapko sirf single tick hi show hoga. Isme bhi aap puri tarah sure nahi ho sakte ki aapko block kiya gaya hai kyuki ho sakta hai aapke friend ne data off kar rakha ho ya fir mobile switch off ho aur bhi bahut se reasons ho sakte hai iske piche.

#Add to Group:

Yeh sabse badhiyaa tarika hai isse aap 100% sure ho jaoge ki whatsapp par aapke friend ne aapko block kiya hai. Sabse pehle aap koi whatsapp group create karle kuch members add karke. Ab aapko uss friend ko group mein add karna hai jispe aapko doubt ho. Agar woh friend group mein add ho jata hai tab iska matlab hai ki usne aapko block nahi kiya agar woh add nahi hota toh iska matlab hai ki usne aapko block kiya hai.

#Account Delete:

Bahut baar aisa bhi hota hai ki humein lagta hai humare dost ne humko whatsapp par block kar diya hai lekin yeh bhi to ho sakta hai unhone apna account hi delete kar diya ho. Iss confusion ko door karne ke liye aapko apne dost ki profile par jana hai agar waha call aur message send karne ka option hota hai to matlab account delete nhi hua. Agar aapke dost ke profile par invite ka option aata hai to samajh lijiye unhone aapko block nhi kiya balki apna whatsapp account hi delete kar diya hai.

Final Words:

Aaj humne iss post me jana ki whatsapp par block kisne kiya kaise pata kare. Agar aap yeh sure ho jaye ki aapke friend ne aapko whatsapp par block kiya hai toh aap unse block karne ka reason puch sakte ho. Agar isme aapki koi galti ho toh unse maafi zaroor mangle tab ho sakta hai woh aapko unblock karde aur aapke beech dosti isi tarah bani rahe. Agar aapne humara post enjoy kiya aur aapko humara yeh post pasand aaya ho toh please isey share jarur kare.