Youtube Ke Liye Professional Video Kaise Banaye

14

Youtube ek aisa platform jaha par video upload karke aap name, fame aur paisa teeno chij kama sakte ho. Lekin iske liye jaruri hai ki aapka video content kaisa aur kis topic par hai. Aap logo ne youtube par ek chij jarur notice kiya hoga ki jitne bhi famous youtubers hote hai unka video ek dum high qualtiy aur puri jankari ke sath hota hai agar yeh aisa nahi karte toh yeh kabhi famous youtuber ban hi nahi pate. Isliye jaruri hai ki aapke dwara banaya gaya video bhi professional dikhe taki aap bhi jaldi se jaldi youtube se name, fame aur paisa teeno kama sako. So ab chaliye jante hai youtube ke liye professional video kaise banaye

video kaise banaye

Professional video banana utna aasan nahi jitna sochne mein lagta hai iske liye bahut mehnat ki jarurat hai. Jyadatar log apne mobile se hi video record karke upload kar dete hai jinke karan unhe disklike ka samna karna padta hai aur jyada views bhi unke video par nahi ho pate kyuki big screen par yeh video aasani crack ho jata hai aur thik se dikhai nahi deta. Aaj hum iss post mein isi topic ko janane wale hai taki youtube je liye ek professional video bana sake aur jyada se jyada views apne video par badha sake

Youtube Professional Video Kaise Banaye:

#Research: Sabse pehle toh yeh decide karle ki aapko kis topic par video banana hai. Jab aap koi decision lele uske baad youtube.com par jake apna topic search kare agar uss topic par already bahut se video uploaded hai toh koi faida nahi hai aisa topic par video banane ka isse better hoga ki aap kisi unique topic par video banaye kyuki audience hamesha new content hi pasand karte hai

#Script: Aapko ab yeh sochna hai ki aapke video ki script kya hogi matlab ki aapko apne video ki story likhni hai ki audience ko aap kya kya dikhana chahte ho. Yaad rahe agar aapka script achha hoga tabhi log aapke channel ko pasand karenge

#Location: Apne video ke location par bhi dhayan de aur yeh final karle ki video shoot indoor hoga ya outdoor. Agar aap public mein shoot kar rahe hai toh unki permission jarur lele taki baad mein aapko koi problem na uthani pade

#Camera: Video quality par bhi dhayan de kyuki aajkal log HD videos jyada pasand karte hai. Agar aapke paas DSLR camera hai toh bahut achhi baat hai nahi toh aap isey market se ya fir online bhi kharid sakte ho inki range 20,000 se start hoti hai. Maine DSLR camera ka zikr isliye kiya kyuki isse aap high quality aur HD videos record kar sakte ho. Agar aapke paas DSLR camera nahi toh smartphone ke camera ka use bhi kar sakte ho jinki megapixel 8 se jyada ho nahi toh aap iphone ke camera ka use bhi kar sakte ho. Aap chahe toh cameraperson bhi hire kar sakte hai

#Tripod: Camera move na kare iske liye tripod ka use kare. Mini tripod ki price approx. Rs 300 hai. Jyada height wale tripod ki price Rs 800 ki range se start hoti hai. Aap chahe toh selfie stick ka bhi use kar sakte hai

#Reflector: Aap logo ne ek chij jarur notice kiya hoga ki jab jyada light hoti hai tab face par shadow si ban jati hai jiske karan video kharab lagne lagta hai iske liye aap light ke opposite direction mein thermocol ko rakhe

#Microphone: Acchi voice quality ke liye microphone ka use jarur kare. Aap mic kharidne ke liye online popular stores jaise ki amazon, flipkart, snapdeal etc. ki madad le sakte ho ya fir market se bhi kharid sakte ho

#Makeup: Actors ka face video mein attractive nazar aaye iss liye jaruri hai ki aap apne actors makeup karwaye

#Edit Video: Finally ab bari hai video edit karne ki. Video edit karne ke liye bahut se softwares use kiye jate hai jaise ki Adobe Premiere, Final Cut Pro, Sony Vegas Pro, Camtasia Studio etc. inn softwares ki madad se video ko achhe se edit kiya ja sakta hai inki range Rs 18,000 se leke 1 lakh tak hai. Aap suru mein inka trial version use kar sakte ho jo ki free hai. Agar aapko pata nahi hai ki yeh softwares kaise use kiye jate hai toh aap youtube par search kijiye aapko bahut se tutorials mil jayenge jinki madad se aap aasani se seekh sakte hai. Yaad rahe video mein sirf achhe dialogue ho aur bekar ke seen bhi remove karde. Video ka size 16:9 rakhe log isi size par video dekhte hai

Final Words:

So dosto dekha aapne ek badhiya video ke piche kitni mehnat chhupi hui hoti hai, shayad yeh baat viewers ko pata nahi hoti ki unke liye youtubers kitni mehnat karte hai ek badhiya video banane ke liye. Mere hisab se agar aap youtube se accha paisa kamana chahte ho toh aapke channel par professional video hi upload hona chahiye kyuki jitna badhiya aapka video hoga utne jyada aapke suscribers badhenge aur sath mein aapki earning bhi badhegi. So friends agar aapko humari yeh post pasand aayi ho toh isey jarur share kare humein khushi hogi